اليمن الاتحادي وسيجارة نصف الليل

*- شبوة برس":

اصحاب مشروع اليمن الاتحادي كما واحد وصاه ابوه في الليل للدكان يشتري له سجاره وهو في نص الطريق سقطت عليه الفلوس والدنيا ظلمه مايشوف حتى يده من شدة الظلمه.. حاول يدور عليها وأدرك انه من الصعب يحصلها لان الظلام شديد.

لفت شاف الدكان وصاحب الدكان عامل لمبه فوق باب الدكان. وقدام باب الدكان ضو. راح لاقدام الدكان وجالس يدور للزلط يدور ويبحث في التراب.. شافه صاحب الدكان قال له

_ ايش تدور ؟

_ دور للفلوس

_انت متاكد انها سقطت عليك هنا؟

_لا لا هي سقطت علي هناك في نص الطريق

_طيب وليش تدور عليها هنا وانته عارف انها سقطت عليك في نص الطريق

_ اصلا هناك حيث سقطت .الدنيا ظلمه. وقلت احسن ادور عليها قدام الدكان لان في ضو هنا..

هيا لو حصل الولد الزلط حقه عند الدكان

شعوكم باتحصلوا اليمن الاتحادي في الجنوب..

***

اسقطوا الدولة واحتجزوا رئيسها في صنعاء واشعلوا حرب ثمان سنوات..

كل هذا من شان ايش . من شان اسقاط مشروع اليمن الاتحادي..

لوكان شي مرجلة وشي حرص على مشروع اليمن الاتحادي. كان اسقطتوا من اسقط مشروع اليمن الاتحادي

مش تجي اليوم بعد ثمان سنوات تدور لمشروع اليمن الاتحادي في راس العاره

عاد شي باتعقلوا او عند الله..؟!!

اليمن الكبير قده مفرسخ كما هذه الضبع اللي قد الحدادي تنغمها من جعبورها..

*- من صفحة المدون "صالح الحنشي"

..