لمن يجهلون الفرق بين رأس السنة وعيد الميلاد المجيد

الناس اللي متعرفش الفرق بين رأس السنة و الكريسماس!

*- شبوة برس – الأستاذ مروى خليفة 

مبدئيا رأس السنة دي مناسبة بيحتفل بيها كل البشر بغض النظر عن ديانتهم 

_ اما العيد بقي فهو ال Christ-mass اي عيد ميلاد سيدنا المسيح ... كلمة Christ يعني المسيح و كلمة Mass هي تجمع المؤمنين للصلاة

_تاريخ ميلاد المسيح غير محدد في الكتاب المقدس كان يوم ايه بالضبط و لكن المعروف اكيد انه كان شتاء ... لذلك تم الاتفاق في مجمع لاباء الكنيسة عام 325 م علي ان يكون الاحتفال يوم ٢٥ ديسمبر بالتقويم الروماني الموافق ٢٩ كيهك في التقويم القبطي 

_ اختيار اليوم ده عشان ده اطول ليل و اقصر نهار اللي بعده يبدأ يطول النهار و يقصر الليل كرمز ان بميلاد المسيح يبدأ يقصر الليل (الظلمة) و يطول النهار (النور)  لان المسيح هو النور و الحق 

_ في سنة 1582 م اكتشف العلماء خطأ في حساب دورة الارض حولين الشمس (السنة) بحوالي فرق ١٠ ايام ... ببساطة يعني المفروض كنت تصحي الصبح تلاقي النهارده ٥ اكتوبر مثلا .. قالك لا النهارده هيبقي ١٥ اكتوبر عشان كنا حاسبين غلط 

_ و بناء عليه تم تعديل التقويم الروماني و اصبح اسمه التقويم الغريغوري (علي اسم الراجل اللي اكتشف فرق الايام.. و ده موضوع ممكن تقرا عنه على google تفاصيل اكتر) و لم يتم تعديل التقويم القبطي 

_ بناء عليه يوم ٢٥ ديسمبر لم يصبح موافق ل ٢٩ كيهك 

_ ففضل الاقباط (الكنيسة الشرقية) التمسك بالاحتفال يوم ٢٩ كيهك الموافق حاليا ٧ يناير اما الغرب فضلوا علي يوم ٢٥ ديسمبر

Merry Christmas & Happy New Year♥️

Copied, Ahmed Eid