الحب ما هو عيب يازين السياد : قصيدة للشاعرة منى بن عيدان

دور عليك ياريم وسط الملا

وانت علي قلبي تعمدت العناد

علمتني يازين حبك والغلا

من بعد فرقاكم شوق القلب زاد

في مهجتي انت وفي وسط الحشا

قاسيت من صدك ومن كل البعاد

بليت في حبك دلا بيه دلا

ارحم فؤاد الزين يكفي من سهاد

مابي كلام العسل قلي هلا

ارفق بوصلك فك من سور الحداد

انا علي الشرف والجبر طبعي والوفاء

اسأل جميع الربع واهل البلاد

نظره تكفيني وبورد الهناء

باقطف انا وياك من غصن الوداد

ان كنت بي عاشق ليش هذا الحيا

الحب ما هو عيب يازين السياد

لما سمع صوتك يردده الصدأ

بالخد دمع العين ما ذوق الزواد

وكيف با تناسي سواليف الحلا

مظلوم في حبك و ماكان المراد

خلاص بعد اليوم مابيه كفى

با بطل العشقه وبمشي علي الحياد